int respondo;

Nomoj por Variabloj

La programisto (en tiu specifa kazo: vi) elektas nomon por ĉiu variablo en programo. En programoj estas pluraj aĵoj (inkluzive de variabloj), kiuj bezonas nomon. Tia nomo, elektita de programisto, nomiĝas identigilo. Jen la reguloj por elekti identigilon:

• Uzu nur la signojn 'a' ĝis 'z', 'A' ĝis 'Z', '0' ĝis '9', signon '_' kaj signon '$'.
• Nomo ne povas enhavi la signon "spaceto".
• La komenca signo ne povas esti cifero.
• La nomo povas esti laŭplaĉe longa.
• Majusklajn kaj minusklanj oni konsideras kiel malsamajn signojn.
  • Do SUMO  kaj  Sumo  estas malsamaj nomoj.
• Nomo ne povas esti rezervita nomo.
• Nomo ne devas jam esti uzata en la nuna parto de la programo.

Rezervita nomo estas nomo havanta antaŭdifinitan signifon en Java. Ekz-e int, double, true kaj import estas rezervitaj nomoj. Anstataŭ ol zorgi pri la kompleta (kaj longa) listo de rezervitaj nomoj, ni, esperantistaj programistoj, simple evitu la uzadon de anglaj vortoj kiel variablaj nomoj (kompreneble: ĉiuj rezervitaj nomoj de Java estas devigaj anglaj vortoj). Ĉiukaze estu preta ŝanĝi identigilon se nerimarkinte vi hazarde uzis rezervitan nomon.

long pu-la-urso;

short korko = 0;

double sapveziko = 0, laborado = 9, embaraso = 8

byte la kuglo ;

int  double;

char winnieLaPuLong ;

int 8pilko;