Sintakso de Variabla Deklaro

Rememoru, ke sintakso signifas la gramatikon de komputila lingvo. Eblas paroli ankaŭ pri la sintakso de malgranda parto de programo, ekz-e la sintakso de variabla deklaro.

Variabla deklaro estas farebla en pluraj manieroj:

datumTipo   variablaNomo;

• La unua maniero deklaras variablon, deklaras ĝian datumtipon kaj rezervas memoron por ĝi. Ĝi specifas nenion pri kiu valoro estas staplita en memoro. (En sekvaj lecionoj vi lernos, ke en kelkaj cirkonstancoj la variablo aŭtomate ricevas komencan valoron kaj ke, en aliaj cirkonstancoj, la variablo ne ricevas iun komencan valoron).

datumTipo   variablaNomo  =  komencaValoro ;

• La dua maniero deklaras variablon, deklaras ĝian datumtipon, rezervas memoron por ĝi kaj staplas komencan valoron en tiu memorero. La komenca valoro nepre devas kongrui kun la difinita datumtipo.

datumTipo   variablaNomoUnu, variablaNomoDu ;

• La tria maniero deklaras du variablojn, ambaŭ de la sama datumtipo, rezervas memoron por ĉiu el ili, sed staplas nenion en ĉiu variablo. Eblas uzi tiun manieron por laŭvole deklari pli ol du variablojn .

datumTipo   variablaNomoUnu  =  komencaValoroUnu, 
            variablaNomoDu   =  komencaValoroDu ;

• La kvara maniero deklaras du variablojn, ambaŭ de la sama datumtipo, rezervas memoron por ĉiu el ili sed ankaŭ staplas komencan valoron en ĉiu variablo. Vi povas fari ĉion ĉi en ununura linio, se la spaco sufiĉas. Denove, vi povas uzi tiun manieron por deklari pli ol du variablojn kondiĉe, ke vi respektu la sintakson.

int respondo;