Paĝo 7 el 16

Trafa respondo estas:

Vi postulos el la tradukilo traduki la malnovan, eraran version de la fontdosiero kaj vi ricevos la saman erarmesaĝon. Kiam vi uzas Notepad (aŭ iun ajn tekstoredaktilon) vi ŝanĝas la version de la fontprogramo kiu troviĝas en la ĉefmemoro. La tradukilo javac uzas la dosieron kiu estas konservita en la fiksa disko.

La ciklo: Redakti, Traduki kaj Ruli

Jen kion vi devos fari ĝis kiam via programo ĝuste ruliĝos:

  1. Redaktu la programon uzante Notepad.
  2. Konservu la programon en la fiksa disko per la Notepad-komandoj "Save" (Konservu) aŭ "Save As" (Konservu Kiel).
  3. Traduku la programon per la komando javac .
  4. Se ĉeestas sintaksaj eraroj, revenu al paŝo 1.
  5. Rulu la programon per la komando java .
  6. Se la programo neĝuste ruliĝas, revenu al paŝo 1.
  7. Kiam la programo ĝuste ruliĝos, faru nenion (kaj festu!).

Tio nomiĝas la "redaktu-traduku-kaj-rulu"-ciklo. Saĝe antaŭvidu multajn refarojn de tiu ciklo ĉiu-programe. Eĉ uzante pli efikajn utilprogramojn (tekstredaktilojn, kodanalizilojn k.t.p.) por krei programojn, spertaj Java-programistoj daŭre devas plenumi la saman fundamentan ciklon.

DEMANDO 7:

Se, dum la tradukado de fontprogramo (paŝo 3 supre), ne aperas sintaksaj eraroj, ĉu tio signifas, ke la programo ĝuste ruliĝos?