Aldonaj Komentoj

Oni povas aldoni komentojn ankaŭ post programa frazo por klarigi kion ĝi faras, kiel en la jena ekzemplo:

class Legomujo
{
  public static void main ( String[] args )
  {
    System.out.println("rafano, napo, melongeno," );  // Skribu la unuan linion de la galimatio.
    System.out.println("tomato, cepo, fazeolo,");  // Skribu la duan linion.
    System.out.println("kapsiko, piza legumeno,");  // Skribu la trian linion.
    System.out.println("poreo kaj brasika floro.");  // Skribu la kvaran linion.
  }
}

Kiel por ĉiuj komentoj, la tradukilo malatentas la "//"-n kaj ĉion sekvantan en tiu linio . La komento ne influas la programan frazon kiu troviĝas en la komenco de la linio.