Kompletigita Programo

Jen la kompletigita programo. Kontrolu, ĉu vi tajpis ĉiujn citilojn en la ĝusta loko? Se vi misuzis unu el ili, la tradukilo konfuziĝos kaj ne tradukos vian programon!

class Legomujo
{
  public static void main ( String[] args )
  {
    System.out.println("rafano, napo, melongeno,");
    System.out.println("tomato, cepo, fazeolo,");
    System.out.println("kapsiko, piza legumeno,");
    System.out.println("poreo kaj brasika floro.");
  }
}

Se vi kreis, tradukis kaj rulis la antaŭajn programojn, eble vi rimarkis, ke en la redakto de programo, spacetoj kaj alineoj ne gravas. (Tamen, vi ne povas meti spacetojn en la mezon de vorto kaj spacetoj interne de citiloj, tio gravas). Ekzemple, la jena versio de la programo tute bone funkcios dum la tradukado kaj rulado:

  class     Legomujo{
  public   static void main(String[] args )
    {
  System.out.   println(          "rafano, napo, melongeno,");
    System  .  out.println("tomato, cepo, fazeolo,"         );
System.out.println("kapsiko, piza legumeno,");
             System.out.println("poreo kaj brasika floro.");
  }}

La tradukilo tute ne priatentas la dudimensian aranĝon de la programo. Ĝi rigardas la programon kiel strio da signoj en unuopa sinsekvo.

Tamen, la homojn la teksta aranĝo tre influas, do tre gravas krei fontdosieron orde kaj konformmaniere. Kvankam la ĉi-supra dua versio de la programo senerare ruliĝas, oni multe pli malfacile komprenas ĝin.