La variablo PATH

Kutime oni kreas apartan subdosierujon por stapli la diversajn program-dosierojn de nova projekto. Estus komforte ruli la tradukilon kaj la interpretilon sen bezono inidiki en kiu subdosierujo ili troviĝas. Por ebligi tion, la operaciumo Vindozo uzas medivariablon nomatan PATH (vojprefikso) kiu enhavas liston de ĉiuj subdosierujojn kie la operaciumo devas ŝerĉi la plenumendajn programojn.

Malferminte la DOS-fenestron , tajpu path post la invito kaj (kompreneble) alklaku la klavon Enter:

C:\>path
PATH=C:\WINNT\system32;C:\WINNT

Kio precize aperas en la responda linio dependas de kiu operaciumo vi uzas kaj de antaŭaj ŝanĝoj en la variablo PATH. Iel ajn, se en via PATH ne aperas\j2sdk1.4.2_03\bin (aŭ io simila), vi devas aldoni ĝin. La proceduro por tion fari dependas de via operaciumo. Serĉu pli detalajn instrukciojn por plenumi tion en pluraj versioj de la operaciumo Vindozo en oftaj demandoj (demando n-ro 4).