Maŝinlingva Programo

Ekzistas almenaŭ du prudentaj programoj por la elektra dentbroso. Jen unu el ili:

Adreso	Maŝina komando
0	0000 0001
1	0000 0010
2	0000 1000
3	0000 0100
4	0000 0000

Per helpi vin legi la programon, jen denove la listo de la maŝinaj operacioj:

Maŝina Komando	Maŝina Operacio
0000 0000	Haltu
0000 0001	Turnu la kapeton maldekstren
0000 0010	Turnu la kapeton dekstren
0000 0100	Reen al la komenco de la programo
0000 1000	Saltu trans la sekvan instrukcion se la ŝaltilo estas malŝaltita

Kompreneble, tiu ĉi estas stulta ekzemplo. Elektraj dentbrosoj ne enhavas komputilajn procesorojn. Kaj, la maŝinaj komandoj de reala procesoro estas multe pli detalaj. Sed la esencaj ideoj de la ekzemplo estas:

• Maŝinlingva programo estas sinsekvo da maŝinlingvaj komandoj en la ĉefmemoro.
• Maŝina komando konsistas el unu aŭ pli da bajtoj (en la ekzemplo, nur unu).
• La procesoro rulas programon plenumante unuopan maŝinan komandon.
• Ĉiuj etaj maŝinaj operacioj konsistigas ion utilan.

Eĉ se la uzanto de la dentbroso lasas la ŝaltilon "ŝaltita" mallonge, la programo plenumas la sinsekvajn maŝinajn komandojn multfoje. Ekzakte tiel programoj ruliĝas en veraj komputiloj--multaj etaj operacioj estigas utilan funkcion, kiu tiam ripetiĝas multfoje.