Tut-Tera Teksaĵo (TTT)

Rememoru pri la fundamenta ideo (pritraktita antaŭ kelkaj paĝoj):

Fundamenta Ideo: Programoj kaj datenoj konserviĝas en komputilmemoro sammaniere. Elektroniko de komputila memoro (kaj la ĉefmemoro kaj la akcesora memoro) tute ne distingas inter programoj kaj datenoj.

Ankaŭ la komunika aparataro tute ne distingas inter programoj kaj datenoj: ili ambaŭ estas informoj kaj ĝi forsendas ĉiujn informojn sammaniere. Interreto estas kiel tutmonda servo de ekspedado de pakaĵoj . Ĝi zorgas pri transigo de pakaĵoj de unu adreso al alia, kaj la enhavo de la pakaĵoj ne gravas.

Interreto provizas la Tut-TeraTeksaĵo-n per la aparataro kaj protokoloj por la sendado de informoj. Datenoj adresitaj al TTT estas forsenditaj tra Interreto ĝuste kiel iuj ajn aliaj datenoj. TTT-datenoj diferenciĝas de aliaj datenoj per tio, ke ili celas TTT-retumilojn (tian, kian eble vi nun rigardas). Retumilo estas programo kiu foliumas Interretajn TTT-paĝojn, legas kaj vidigas ilin sur la ekrano en agrable aranĝita maniero.

TTT-paĝo estas aro da datenoj enhavantaj informojn pri tio,kiel ili estos vidigitaj sur ekrano. Tiuj informoj fakte estas instrukcioj koditaj per lingvaĵo nomata Hiper-Teksta Mark-Lingvo (HTML).