Startigi Programon

Kiam oni ŝaltas komputilon, ĝia aparataro aŭtomate ekŝargas la operaciumon kiu startigas sin mem. Tia procedo nomiĝas praŝargo. Tiu stranga termino devenas de la fakto ke, la operaciumo mem estas implikita, kune kun la komputila aparataro, en sia startigado. Do temas pri "antaŭtempa ago (t.e. pra-ago) de la operaciumo". Tuj kiam la operaciumo ruliĝas je atendo-reĝimo, ĝi kapablas, laŭ komando, startigi aliajn programojn.

Jen (simpligita) listo de eventoj okazontaj kiam uzanto (vi) startigas aplikon. Ni supozu, ke la operaciumo (mallonge: O) jam ruliĝas.

1. La uzanto petas ruli aplikon.
   • Tio fareblas per klako sur piktogramo, elekto de menua opcio aŭ alimaniere.
2. La O determinas la nomon de la apliko.
3. La O trovas la sekcion de fiksita disko kie la aplika programo kaj ties datenoj estas staplitaj.
4. La O trovas neuzitan sekcion de ĉefmemoro kiu sufiĉe ampleksas por enhavi la aplikon.
5. La O faras kopion de la apliko kaj ties datenoj en tiu ĉefmemora sekcio.
   • La programaro en la fiksita disko restis senŝanĝa; oni nur kopiis ĝin en ĉefmemoron.
6. La O aranĝas la rimedoj por la apliko.
7. Finfine, la O startigas la aplikon, kiu ekruliĝas.

Dum la apliko ruliĝas, la O ĉeestas fone mastrumante rimedojn, plenigante enigon kaj eligon por la apliko, kaj zorgante pri ĉiuj aliaj ruliĝantaj programoj.