| 1. | k.a. | kaj aliaj |
| 2. | k.s. | kaj similaj; kaj simile |
| 3. | k.t.p. | kaj tiel plu (diru: ko to po) [la ceteron mi ne bezonas mencii] |
| 4. | kabano | simpla (ofte ligna) dometo |
| 5. | kabineto | ĉambro por iu intelekta laboro; ĉambro por ekspozicii ion; (oficejo de ministro aŭ) ministraro |
| 6. | kablo | metala ŝnur(eg)o; longa fasko da dratoj (aŭ alia ŝnureca aŭ tubeca objekto) por transporti elektron aŭ signalojn |
| 7. | kaĉo | ne tre densa manĝaĵo el faruno kaj lakto aŭ akvo (kun aŭ sen aldonaĵoj); manĝaĵo el dispremitaj fruktoj aŭ legomoj (ofte longe kuiritaj); ne sukcesinta aŭ malbone preparita manĝaĵo |
| 8. | kadro | kvarangulo ĉirkaŭ io; io ĉirkaŭanta; kadri: ĉirkaŭigi per kadro |
| 9. | kaduka | malfortikiĝinta (pro aĝo aŭ foruziĝo); baldaŭ disfalonta; baldaŭ mortonta |
| 10. | kafo | * bruna aŭ nigra trinkaĵo, farita el muelitaj semoj de la kafarbo (Coffea) {*5} |
| 11. | kaĝo | kvazaŭ skatolo el metalfadenoj, tigoj, stangoj metalaj aŭ lignaj,... (ekzemple kiel loĝejo aŭ tenejo por bestoj aŭ birdoj) |
| 12. | kahelo | (rektangula) plato el bakita argilo |
| 13. | kaj | * [a kaj b: a&b, a+b] {*1} |
| 14. | kajero | * kelkaj kunligitaj falditaj folioj da papero (aparta (skribkajero,...) aŭ kiel parto de libro) {*6} |
| 15. | kajo | per muro (en akvo) fortigita strato apud rivero aŭ kanalo, por povi en- kaj eliri ŝipojn; simila afero apud fervojo por povi en- kaj eliri trajnojn (vagonarojn) |
| 16. | kajuto | ĉambreto sur ŝipo aŭ en aviadilo |
| 17. | kakao | (pulvorigitaj) semoj de kakao-arbo (Theobroma); trinkaĵo el tio |
| 18. | kakto | karneca planto kun pikiloj (Cactaceae) |
| 19. | kalcio | elemento (Ca) (en kalko, kreto,...) |
| 20. | kaldrono | granda metala poto por kuiri aŭ boligi akvon |
