Oftaj Demandoj

1. Kiam la aliaj partoj de tiu ĉi kurso estos pretaj?

Parto 3: Programado en Java

Ĉapitro 9B -- Esprimoj kaj Aritmetikaj Operacisimboloj estos preta proksimume je la 30-a de majo 2004.

Ĉapitro 10 -- Enigo kaj Eligo de Datumoj estos preta proksimume je la 9-a de junio 2004.

Noto. Ekde la 10-a de junio ĝis la komenco de julio, la kursa kompilisto ferios. La eldono de Ĉapitro 11 estas antaŭvidita je la 12-a de julio maksimume. Tamen la Ĉapitroj 8, 9A,9B, 10 enhavas sufiĉe da programadaj ekzercoj por doni al vi taŭgan okupiĝon.
Bonan Programadon!

2. Kiel foliumi la kursan TTT-ejon?

<sub preparado>

3. Kiel elŝuti kaj instali la kurson en via komputilon?

Post la elŝutado de la dosieron kurso.zip, difinu dosierujon C:\miakurso kaj plenumu jenajn paŝojn:

a. Ruligu WinZip kaj malfermu en ĝi la ĵus elŝutitan dosieron kurso.zip

b. Elektu Extract el la menuo Actions

c. Certigu vin, ke la opcio Use folder names estas validigita

ĉ. Tajpu la nomon de la celata dosierujo: C:\miakurso

d: Alklaku la butonon Extract

La dosierujo C:\miakurso enhavas nun plurajn dosierojn (inter aliaj: index.html) kaj la subdosierujo Notes,
kiu ĝiavice enhavas la ĉapitrojn de la kurso.

Por aktivigi la kurson, duoble alklaku la dosiernomon index.html !

4. Kiu estas ĝenerala plano de la kurso?

La celo de tiu ĉi kurso estas instrui la bazajn nociojn pri komputiko kaj komputila programado per uzo de la programlingvo Java.

"Komputila programado” signifas skribi listojn de instrukcioj (“programojn”), kiujn la komputilo plenumos. Por skribi “programon” oni uzas “programlingvo”-n, t.e. grupon da strikte difinitaj vortoj, signoj kaj rilataj reguloj. Ni uzos la programlingvon "Java". Fakte, bonŝance, oni povas bonege uzi komputilojn sciante nenion pri programado, nur rulante centmilojn da finpretaj programoj: foliumiloj, tekstiloj, ludoj, ktp. Do jen grava kaj alloga demando:

Fakuloj opinias, ke “nuntempe, ciŭ kleremulo neprus lerni almenaŭ la bazajn principojn de komputila programado!”.

Jen kelkaj kialoj:

* Programado estas nekredeble amuziga - Kie ajn vi povas trovi sklaveton ĉiam preta, eĉ dezirema, fari ĉion kion vi diras?

* Via logika pensokapablo evoluos – Vi lernos pripensi sinsekvojn de eventoj, operacioj, k.t.p. tre precize.

* Vi kapablos fari kalkulojn malfacile esprimeblajn, se oni ne uzas program-lingvojn. Vi klare komprenos la sinsekvon de paŝoj bezonataj.

* Vi kapablos plej bone solvi problemojn rilatajn al teknikaj fakoj. Viaj kunuloj sin turnos al vi kun respekto por peti helpon.

* Vi ĝisfunde povos ekspluati programaron – Nunaj rafinitaj programoj enhavas eblojn de programlingvoj kiujn nur programistoj povas ekspluati.

* Programado povus iĝi via profesio – Se fariĝos al vi agrable programi komputilojn, programado povus iĝi via dumviva kontentiga profesio.

5. Kian instruan teknikon oni uzas en tiu ĉi kurso?

Oni aplikas la metodon nomatan "Programita Lernado" al la instruado helpe de komputilo en Interretaj kursoj.

Kio estas "Programita Lernado"?

Programita Lernado estas tekniko por organizi instruadon tiel, ke post ĉiu nova koncepto oni faras demandon al la lernanto por plifirmigi la koncepton mem. La instruado procedas tiel:

leciono demando respondo leciono demando respondo . . . . .

Tiu ĉi tekniko estis tre laŭmoda en la 1960-aj kaj 1970-aj jaroj, kiam realigi ĝin per tiamaj gigantaj komputiloj estis tre multekoste. Do, bedaŭrinde, malgraŭ ĝiaj avantaĝoj, tiam oni decidis forlasi ĝin. Nuntempe, helpe de Interretaj rimedoj kai programlingvoj, tiu forgesita tekniko montriĝas sufiĉe malmultekosta kaj facila.
Tamen, strange, oni ne plu uzas ĝin. Jen taŭga ŝanco por Esperanto!

5. Kiel ŝanĝi la medivariablon PATH (t.e. vojprefikso)?

Sendube estas pli komforte aranĝi la variablon PATH permanente; tiamaniere ĝi persistos post la komputila reŝalto. Jen la procedo, laŭ operaciumo, por permanente aldoni al la variablo PATH la vojprefikson de la koncernata Java-subdosierujo, t.e. C:\j2sdk1.4.2_03\bin .

Microsoft Windows NT, 2000 and XP

Elektu Start, Settings, Control Panel kaj klaku duoble al Systems. Por Microsoft Windows NT, elektu la langeton Environment; por Microsoft Windows 2000 kaj XP, elektu la langeton Advanced kaj poste Environment Variables.

Serĉu "Path" inter User Variables kaj System Variables.

Tajpu ;C:\j2sdk1.4.2_03\bin je la fino de la nuna signoĉeno (atentu: ne forgesu la komencan punktokomon!). Alklaku "Set", "OK" aŭ "Apply".

Microsoft Windows 98

a. Malfermu la dosieron AUTOEXEC.BAT kaj ŝanĝu aŭ aldonu la variablon PATH jene:

b. Ekrulu la sisteman redaktilon. Elektu "Start", "Run" kaj tajpu sysedit kaj alklaku OK.

c. Lokalizu le fenestron kiu vidigas AUTOEXEC.BAT. Serĉu PATH.

d. Se ĝi ne ekzistas, aldonu ĝin tajpante PATH C:\j2sdk1.4.2_03\bin. Se ĝi jam aperas, tajpu ;C:\j2sdk1.4.2_03\bin (atentu: ne forgesu la komencan punktokomon!) en la dekstra fino de ĝia nuna signoĉeno.

e. Por aktivigi la ŝanĝon, plenumu la jenan:
C:> c:\autoexec.bat

f. Por kontroli, ke la ŝanĝo estas en ordo, plenumu la jenan:
C:> path

Microsoft Windows ME

El la menuo Start, elektu programs, accessories, system tools and system information.Tio aperigas fenestron nomatan "Microsoft Help and Support". Ĉi tie malfermu la menuon Tools kaj elektu "System Configuration". Alklaku la langeton Environment, apartigu PATH kaj klaku al butono Edit.
Tajpu ;C:\j2sdk1.4.2_03\bin (atentu: ne forgesu la komencan punktokomon!) en la dekstra fino de ĝia nuna signoĉeno. Konservu la ŝanĝojn kaj, laŭ peto, startigu la komputilon.

Glosoj: apartigi: en fenestro de ekrana redaktilo, indiki fragmenton de teksto au parton de bildo, al kiu aplikigos sekva operacio / langeto: en dialogujo imitanta sliparon, elstara peco de slipbildo servanta por elekti (aktivigi) la koncernan «slipon»