Objektoj

Java enhavas tre multajn antaŭdifinitajn datumtipojn kaj vi (kiel programisto) povas krei tiom da datumtipoj kiom vi deziras. Tamen, ĉiuj datumoj en Java dividiĝas en du kategorio: primitivaj datumoj kaj objektoj. Ekzistas nur ok primitivaj datumtipoj. Ĉiu datumtipo kiun vi inventas estos tipo de objekto.

Ni pritraktos objektojn tre amplekse en estontaj ĉapitroj ( Java ja estas objektema programlingvo). Por nun vi bezonas scii jenon:

• Valoro de primitiva datumo uzas malgrandan, fiksan nombron da bajtoj.
• Ekzistas nur ok primitivaj datumtipoj.
• Programisto ne povas krei novajn primitivajn datumtipojn.


• Objekto estas larĝa bloko da datumoj. Objekto povas okupi multajn bajtojn de memoro.
• Ĝenerale, objekto konsistas el multaj internaj pecoj.
• La datumtipo de objekto nomiĝas class (klaso).
• Multaj klasoj estas jam antaŭdifinitaj en Java-programaro.
• Programisto povas krei novajn klasojn por specifaj necesoj de programo.

Proksimuma analogio estas, ke valoro de primitiva datumo estas kiel bolto, dum objekto estas kiel kompleta maŝino.