Paĝo 14 el 15

Trafa respondo estas:

En modernaj komputilaj sistemoj, nur la operaciumo povas senpere ĉion fari koncerne diskajn dosierojn. Kiel tiu fakto:

  1. influas la sekurecon de la sistemo mem?
    • La sekureco plifortiĝas ĉar programoj kiuj provas fari ion danĝeran aŭ stultan estas blokitaj. Ili ĉiam devas peti la servojn de operaciumo, kiu plenumos nur sekurajn kaj prudentajn agojn.
  2. influas komputilajn ludojn?
    • Malnovaj komputilaj ludoj mastrumadis la dosierojn rekte sen peti la servojn de operaciumo (malnova DOS estis stulta kaj malrapida tial, ke multaj aplikaj programoj ignoris ĝin). Tiaj ludoj ne povas ruliĝi en modernaj komputiloj.
  3. influas la facilecon krei programojn?
    • Krei programojn estas pli facile ĉar la operaciumo zorgas pri mastrumado de dosieroj.

Tipoj de Dosieroj

Koncerne fiksan diskon, ĉiuj dosieroj estas samaj. El elektronika vidpunkto, estas nenia diferenco inter dosiero enhavanta programon kaj dosiero enhavanta datenojn. Ĉiuj dosieroj estas kolektoj da bajtoj kun nomo. Kompreneble, la uzo de tiuj dosieroj estas diferenca. La operaciumo povas preni programan dosieron, kopii ĝin en la ĉefmemoron, kaj ekruli ĝin. La operaciumo povas preni datenan dosieron, kaj liveri ĝiajn informojn al ruliĝanta programo kiam ĝi petas ilin.

Krome, la lasta parto de dosiera nomo (la sufikso), kiu aperas post la punkto, montras pri la farota uzo de la dosiero. Ekzemple, en "miajdatenoj.txt", "txt" indikas, ke la farota uzo de la dosiero estos tiu de kolekto de tekstaj informoj, t.e. signoj. En "Netscape.exe", "exe" indikas, ke tiu dosiero estas "plenumebla," t.e., ke temas pri programo preta ruliĝi. En "programo1.java", "java" indikas, ke temas pri dosiero enhavanta fontprogramon skribitan en la programlingvo Ĝavo (pri fontprogramoj ni pritraktos en la sekva ĉapitro). Por la fiksa disko, ĉiu el tiuj dosieroj estas ekzakte la sama afero: kolekto da bajtoj.

Glosoj: exe: konvencia mallongigo de la angla vorto "executable" (Esperante: plenumebla) / txt: konvencia mallongigo de la angla vorto "text" (Esperante: teksto)

DEMANDO 14:

Kio okazas kiam dosiero estas uzata alie, ne en la celata maniero? Example, kio okazas se vi provas uzi teksto-redaktilon por prilabori dosieron kies nomsufikso estas ".exe"?