Jen projektideo elpensita de Denizo dum de lia laboro en DEAG¹⁾ kaj la Komputeko²⁾.

1/6-2008

• Tio cxi projekto nuntempe dormas dum la planado de Roskilde Festivalo. Krome mi nuntempe pripensas gxia realigxo lige kun aux aparte de la E@I-projekto Terminaro.net. /Denizo

20/4-2008

• La projekto estis prezentita al la estraro de DEJO dum la jarkunveno hodiaŭ. La estraro pretas finance subteni la projekton (gxis certa limo) kaj bonvenigas aliajn bonstataj organizoj subteni la projekton.

La stato de Esperanto-vortaroj en la reto estas: disaj, disformaj³⁾ kaj malmaturaj. Eblas rikolti de centoj da retejoj grandaj, mezgrandaj, kaj malgrandaj vortaroj⁴⁾. Nuntempe ekzistas ĥaoso kaj mi konstatas:

• malfacilas serĉi en ili
• malfacilas scii ĉu la kvalito de tradukoj estas aŭ alta aŭ malalta
• la diversaj aŭtoroj plejparte indikas nek siajn fontojn⁵⁾ nek siajn kulaborantojn.
• la plejparto de la kapvortoj estas informe malriĉaj koncerne kaj transitiveco, oficialeco, rekomendindeco.
• la plejparto de la vortaroj estas sub iu limiga permesilo⁶⁾ kiu ege malfaciligas kunkreadon, disvastigon, evoluadon, ktp.

Kial: Rigardu la artikolon de Velky pri la ebloj de komputila pritraktado

• Krome la disigeblo de elektronikajxoj estas multe pli facila kaj malmultekosta ol paperajxoj, eblas facile arangxi la datumojn diversforme kaj diversprotokole (ekz. → posxkomputiloj), ebligas malgrandigi la konekto inter la verkistoj kaj la uzantoj de la verko, eblas decentre (per noveldono) korekti erarojn.

Kiel: Rigardu la prelegon de Marc Bavant pri XML-teĥnologio kaj terminologia laboro ĉe KAEST 2004. Jen la diasoj, jen intervjuo

Dum la lastaj jaroj okazis impona disvolviĝo de la uzo de XML-a “teĥnologio” en ĉiuj kampoj de komputiko kaj, precipe, en TTT-servoj. Vulgarigistoj eĉ ne hezitas diri, ke XML estas la Esperanto de komputiko. Ĉiuokaze, tiu ekscitiĝo naskis plurajn XML-lingvojn, por plej diversaj uzoj, kaj senpagajn ilojn, kiuj signifagrade simpligas la laborojn de aŭtomata pritraktado de tekstoj kaj datumbazoj. La plej populara apliko de XML en Esperantujo estas la vortara projekto ReVo (Reta Vortaro), sed preter ĉi tiu ekzemplo XML estas rekomendinda solvo por ĉiu leksikografia laboro kaj ĉiu terminologia datumbazo. Elĉerpo de la prelego ĉe KAEST 2004.

Tiu ĉi projekto celas surbaze de la ReVo⁷⁾ kaj la GVEĈ⁸⁾ XML-formigi, kombini, eksporti kaj kontrollegadi bonajn liberajn vortarojn pere de XML-teĥnologio kaj simpla PHP-povigata reta redaktosistemo.

La ĝenerala celo de la projekto estas kunordigado kaj pliriĉado de la nunaj disaj vortaroj en/el Esperanto. Estas fakto, ke krom ReVo ekzistas malmultaj bonkvalitaj malfermaj vortaroj en/el Esperanto.

Nuntempa ĉefcelo: surbaze de XML-teĥnologio (fone kaj baze) ebligi kunredaktadon kaj kreadon de novaj kontrollegitaj vortaroj kaj terminaroj per relative simpla redaktosistemo.

Kromceloj:

1. Ebligi facilan (ne nepre senpaga) aliron al la frukto de la laboro
2. Kiel plej eble eldoni la rezultojn sub liberajn permesilojn kiel ekz. ReVo
3. Prizorgi relative alta detajl- kaj ĝustonivelo

Por ke tio ĉi projekto realigu necesas kontribuoj kaj komentoj de diversaj Esperantistaj fakuloj. Mi proponas estigi kontakton inter:

1. Projektogvidanto (prizorgas kontakton al verkistoj de la uzataj vortaroj traktante permesojn, aŭtororajtojn, kunlaboreblojn, ktp.)
2. Sekretario
3. komputilspertuloj [Regin Larsen, Denizo, (Danujo); Garrison “trio” KEILLOR (Usono); W. Diestel⁹⁾, R. Fössmeier¹⁰⁾ (Germanujo); Marc Bavant (Francujo)]
4. lingvospertuloj [B. Wennergren (Koreujo); R. Corsetti¹¹⁾, Nino Vessella¹²⁾ (Italujo); Jens S. Larsen (Danujo); Josef H. Velky, Miroslav Malovec (Ĉeĥujo); Eduardo Kozyra¹³⁾ (Polujo); Stanislaw Mielczarek¹⁴⁾ (Danujo)]
5. terminarspertuloj [Eckhard Bick (Danujo); Josef H. Velky, (Ĉeĥujo); Jan Werner (Germanujo); Yves Nevelsteen (Flandrujo); verkintoj de betonaj-, medicinaj-, juraj-, komputilaj-, matematikaj- kaj teĥnikaj terminaroj]
6. kontrollegantoj
7. kaj eble eldonspertuloj [ekz. Peter Balaz (Slovakujo) aŭ la respondeculo de KAVA-PECH]

Estas diversaj eblecoj pri daŭro de la projekto kiu limiĝas laŭ la amplekso de la projekto. Unua fazo de la projekto daŭras 18 monatoj, post tiam ni havos ian rezulton laŭ la prioritatoj. Ni bezonas iel pritaksi la laboron kaj pro tio valoras statistiko kaj kutimaj pritaksoj retpoŝtaj ekz. la TEJO-maniero¹⁵⁾.

Jen malneta superrigardo pri la diversaj fazoj de la projekto.

Unua:

• formigo de retpoŝtlisto
• dokumentado de reta redaktosistemo Glossword en Esperanto
• necesas XML-formigon de ekzistantaj vortaroj
• kaj peti permeson de uzado, kombinado, kunfandado, ktp.
• prioritigo de la laboro
• invitado de kunlaborantoj kaj formado de teamoj
• esploreti kial ReVo relative sukcesis (kaj kio fakte estas ĝiaj celoj).

Dua:

• necesas pritaksi kaj kunfandi la priorititajn vortarojn.
• Esperantigo kaj ioma adaptigo¹⁶⁾ de la reta redaktosistemo Glossword.

Tria:

• publikadi la rezultojn.
• decido ĉu nova REVO-simila komunumo aŭ eldonado papere/poŝtelefone¹⁷⁾/komputile?
• decido ĉu eksporti al lernu.net aŭ aliaj projektoj ekz. ampleksaj literumkontroliloj, ktp.

Ni bezonas monon por ebligi: Renkontiĝoj, donacoj simbolaj al kunlaborantoj, reklamado ĉe lernu.net, elspezoj pro retdomajno, k.s.

Estas kelkaj eblecoj monpeti ĉe diversaj fondumoj kaj krome ĉe DEJO kie Denizo estas estrarano. Eble ni ankaŭ povus monpeti ĉe UEA.

Ni bezonas projektogvidanton, sekretarion kaj respondeculojn de ĉiuj priorititaj vortaroj/terminaroj.

Amike kaj kunlaboreme

Denizo

Komitatano A de TEJO

16-an de aprilo 2008 Frederikssund, Danujo

• Statistiko de REVO
• Aro da vortaroj kolektita de Denizo ekde 2005